Կրթահամալիրում վերապատրաստվողների հերթական օրն էր։ Այս անգամ եկել էին քաղաք Աշտարակից։ Մեծ ցանկություն ունեին տեսնելու մեր ուսումնական ագարակը։ Նախաճաշեցինք ու քայլքով դեպի ագարակ։ Կերակրեցինք կենդանիներին, հետո էլ հյուրերը սիրով ձի նստեցին…
« Մխիթար Սեբաստացի» կրթահամալիր, Արևելյան դպրոց-պարտեզ, mskh.am, nor.mskh.am, 47/1, հեռ. 744380
Կրթահամալիրում վերապատրաստվողների հերթական օրն էր։ Այս անգամ եկել էին քաղաք Աշտարակից։ Մեծ ցանկություն ունեին տեսնելու մեր ուսումնական ագարակը։ Նախաճաշեցինք ու քայլքով դեպի ագարակ։ Կերակրեցինք կենդանիներին, հետո էլ հյուրերը սիրով ձի նստեցին…
Վերապատրաստման հինգշաբթին մարզական էր։ Ունեցանք խաղերով ու վարժանքներով լի մարզական սեմինար։ Մի լավ վազեցրինք ու հոգնեցինք վերապատրաստվողներին։
Այսօրվա մեր հյուրերը քաղաք Ալավերդու Շնող գյուղի վերապատրաստվողներն էին։ Ծանոթացանք, կատարեցինք նախավարժանք, հեքիաթ պատմեցին սովորողների համար, հետո հարց ու պատասխանով խաղ խաղացինք։ Ապա Ամանորյա միջոցառման փորձ կատարեցինք՝ երգելով ու պարելով։ Վերջում էլ նրանց խնդրանքով սովորողները գուաշներով եղևնիներ նկարեցին՝ մի լավ ներկոտվելով…
Վերապատրաստվողների վերջին օրը խմբում։ Իհարկե, ցավով էին նշում, որ չեն գալու ու շատ կարոտելու են։ Հերմինեն խոստացավ դեկտեմբերյան վերապատրաստմանը կրկին գալ՝ իր հետ բերելով նաև հինգ տարեկան տղային։ Խաղերով լի հավես օր ունեցանք։ Սկզբում փայտե լեգոներով կառուցած աշտարակներ, որոնք պետք է ռոդարիական հնարքներով քանդեին։ Ապա անձեռոցիկի տուփ, որում կային շատ խցաններ։ Կապեցինք երկուսի մեջքին, թռվռալով կարողացան դատարկել տուփում եղած խցանները։
Այցելություն արդեն հարազատ դարձած Սասունիկ գյուղի «Արմինե Կարապետի» մանկապարտեզ։ Երգելով հասանք տեղ, երգելով մտանք ներս, ասելով՝ «նորից մենք»։ Հավես հյուրընկալություն, հարազատ մարդիկ… Բաժանվեցինք երկու խմբի, մի խումբը մնաց մանկապարտեզում՝ իրականացնելու «թթուդրիկի» ծեսը։ Մյուս մասն էլ սաների հետ շարժվեց մոտակա հարևաններից մեկի թոնրատուն՝ իրականացնելու «լավաշթխիկի» ծեսը։ Երգ ու խաղիկներով, շվի նվագելով սկսեցինք այն։ Սաները նայում էին՝ ինչպես են գունդ անում, գունդ բացում, բատատին խփում, հետո թոնրին ու հաց հանում։ Իհարկե թոնրին ու լավաշին արդեն ծանոթ էին, բայց թե գունդն ինչպես են անում, ինչպես են բացում, ալյուրն ինչից են ստանում, դրանց ծանոթ չէին։ Տիկին Մարինեն մի լավ գունդ էր անում, փոխանցում Ալլա տատիկին, ով հավեսով երգում, արտասանում ու թխում էր լավաշը։ Լավաշը գովելով էլ վերադարձանք մանկապարտեզ։ Սաներից մի քանիսի հետ էլ փորձեցի ռադիոնյութ պատրաստել։ Եվս մի հիանալի օր սասունիկցիների հետ։ Կսպասենք նրանց՝ միասին ուտելու մեր հարիսան ու թթուն…
Վերապատրաստվողների երկրորդ օրը շատ հավես անցավ։ Որոշեցինք օրը դարձնել տեխնոլոգիական-շրջայցային։ Օրն սկսեցինք տեխնոլոգիայով։ Քանի որ խմբում ունենք ծաղկի կտրոններ, որոնք արմատակալած սպասում են իրենց թաղարներին, զարդարեցինք տարաները և ստեղծեցինք հետաքրքիր թաղարներ։ Սաները գունավոր թղթերը կտրեցին, սոսնձեցին տարաների վրա։ Վերջնական արդյունքում տարաներն ունեցան հետաքրքիր և գույնզգույն տեսք։ Հետո հյուրերի հետ քայլքով գնացինք ուսումնական Ագարակ։ Մի լավ զարմացրինք մեր կենդանիներով՝ մանավանդ ձիերով։ Փորձեցին թեկուզ վախենալով կերակրել ձիերին, տեսան՝ ինչպես են երեխաները խնամում ձիերին, ու ինչպիսի հոգատարություն են ցուցաբերում։ Ունեցանք հագեցած հավես օր, որից շատ-շատ տպավորված էին մեր սիրելի վերապատրաստվողները։