« Մխիթար Սեբաստացի» կրթահամալիր, Արևելյան դպրոց-պարտեզ, mskh.am, nor.mskh.am, 47/1, հեռ. 744380
Երկուշաբթին սկսեցինք խաղ-ուսուցմամբ։ Այս անգամ ընտրեցինք Հ. Թումանյանի «Իրիկունը» ստեղծագործությունը։ Սկզբում պատմեցի սովորողներին, հետո ցանկացան փոքրիկ բեմադրության վերածել։ Ամեն մեկը դարձավ մի հերոս, սկսեցին։ Հավես «Իրիկնային» փոքրիկ բեմադրություն… Օրվա վերջում էլ էլեկտրոնային գործիքներում նկարեցին ստեղծագործության հերոսներին։
Թումանյանական օրերը շարունակվում են։ Վեց տարեկաններն սկսել են զբաղվել մեդիագրագիտությամբ։ Այսօր նկարեցին Հ․ Թումանյանի «Էս էն է․․․» ստեղծագործության տունը, շունը, ապա փորձեցին մուտքագրել․․․ Վերջում չմոռանաք լսել ռադիոպատումը։
Ուսումնական ուրբաթն ավարտեցինք Հ. Թումանանի «Ամպն ու սարը» բանաստեղծությամբ։ 6 տարեկանները ստեղծեցին մեդիաայբբենարանի իրենց առաջին էջը։ Հետո նկարեցին ամպ և սար՝ մուտքագրելով էլ․ գործիքներում սար բառը։
Հերթական ստուգատեսյան հինգշաբթին այս անգամ թումանյանական էր։ Վեց տարեկանները դարձան շրջիկ թատրոնի դերասաններ և այցելեցինք 2-4 տարեկաններին։ Խաղացինք Հ․ Թումանյանի «Էս էն է» ստեղծագործությունը։ Սովորողներից մի քանիսը դարձան ստեղծագործության հերոսները՝ դերերով ներկայացնելով թատրոնը։ Իսկ հանդիսատեսը պատասխանեց դերասաններին թումանյանական հավես երգ-ոտանավորներով։ Արդյունքում ունեցանք և՛ շրջիկ թատրոնն իր դերասաններով, և՛ թումանյանական հեքիաթ-ստեղծագործությունների խառնաշփոթ։
Այսօր քաղաք Գյումրուց և Եղվարդից ունեինք վերապատրաստվողներ՝ ընկեր Անուշն ու ընկեր Կարինեն։ Սկզբում ծանոթացանք բարևախաղով։ Մի քանի թումանյանական ստեղծագործություն արտասանեցինք։ Հետո հյուրերը փոքրիկ թումանյանական խաղ-հանելուկ ասացին սովորողներին։ Վերջում էլ պատմեցին «Ծիտը» հեքիաթը….
Առավոտյան ունեցանք հյուրեր՝ 2-րդ դասարանի սովորողները։ Իրականացրինք սովորող-սովորեցնող նախագիծ։ Բերանացի արտասանեցին Հ. Թումանյանի «Կանաչ ախպեր» ստեղծագործությունը, իսկ վեց տարեկանները փորձեցին սովորել և կրկնել։ Խոստացան մեծերին, որ իրենք նույնպես կսովորեն և պատասխան այցով հյուր կգնան։
Հավես փոքրիկ թումանյանական հեքիաթների խառնաշփոթ-ներկայացում Նելլի Հարությունյանի և վեց տարեկանների հետ։ Թումանյանի հեքիաթներն ու երգերը մի լավ խառնեցինք իրար, հագանք հերոսներին համապատասխան հագուստներ և սկսեցինք։ Էլ գող փիսո, էլ քաչալ շուն, ձիուկ, աղվես ու ծիտիկ…
Ուսումնական շաբաթվա սկիզբ։ Շարունակվում են թումանյանական օրերը։ Այս անգամ սովորեցինք Հ․ Թումանյանի «Փիսոն» ստեղծագործությունը, մի փոքր խաղ ցույց տվեցինք և սկսեցինք նկարել էլեկտրոնային գործիքներում։
Շարունակվում են թումանյանական օրերը։ Օրն սկսեցինք Հ. Թումանյանի «Ամպն ու սարը» բանաստեղծությամբ։ Սովորողները նախ սովորեցին, ապա էլ. գործիքներում սիրուն նկարեցին։
Ուսումնական ուրբաթն ավարտեցինք էլեկտրոնային գործիքների կիրառմամբ։ Սովորողները paint ծրագրում նկարեցին Հ. Թումանյանի «Շունը» ստեղծագործության հերոսներին…
Հինգ-վեց տարեկանների բլոգ 