« Մխիթար Սեբաստացի» կրթահամալիր, Արևելյան դպրոց-պարտեզ, mskh.am, nor.mskh.am, 47/1, հեռ. 744380
Այսօր ճամբարում կրկին հագեցած օր էր: Դիտեցինք «Անբան Հուռին» մուլտֆիլմը ու սկսեցինք նկարել հերոսներին։
Երկարացված օրվա ճամբարում իմ փոխարինման վերջին օրն էր։ Ունեցանք հագեցած օր։ Սկսեցինք մուլտֆիլմով, ավարտեցինք մեր ամենօրյա մարզական դժվարությունները հաղթահարելով։
Երկարացված օրվա հերթական օրը որոշեցինք ավարտել լաբիրինթները հաղթահարելով։ Օղակները դասավորեցինք սեղանների ու աթոռների արանքներում։ Խաղի մեկնարկի տրվելուն պես սովորողները կարողացան հեշտ ու արագ հաղթահարել երկար ու դժվար լաբիրինթը և, ի վերջո, դուրս գալ այնտեղից։
Գիտե՞ք, որ երկարացված օրվա ճամբարում սեղաններն ու աթոռները միայն նստելու և դաս սովորելու համար չեն նախատեսված։ Չգիտե՞ք, դե ուրեմն համոզվեք:
Հերթական օրը ճամբարականների հետ կրկին լեցուն էր։ 1-3-րդ դասարանցիները ոգևորված պատմում էին Տրնդեզի մասին։ Հետո հանկարծ հարցրին, թե արդյոք ամեն օր մարզախաղեր ենք խաղալու, իսկ ես ոգևորված պատասխանեցի, որ անպայման խաղալու ենք։ Սաները կարծես թե ամեն օր սպասում են ինչ-որ նոր մարզախաղի։
Հինգ-վեց տարեկանների բլոգ 