Սևակի վերջին աուդիոնյութը մեկնումից առաջ

Մեր շատ սիրելի, համով, խուճուճ Սևակին հրաժեշտ տվեցինք, մեկնում է Ֆրանսիա։ Շատ կկարոտենք․․․

 

Մաքրություն

Ուրբաթը դարձրինք մաքրության օր ու սկսեցինք լվանալ ապակիները։ Մի մասը դույլերով ջուր էր լցնում, մյուս մասն էլ սպունգներով մաքրում էր։ Հետո էլ այգեպանին տեսնելով՝ վազեցին ու սկսեցին հարցուփորձ անել, թե ինչի համար է հնձել խոտը…

 

«Տաթև Սահակյան և հինգ տարեկաններ» բենդ

Այսօր նվեր-դաշնամուր ունեցանք, սաները ոնց էին ուրախացել, հարցնում էին, թե երբ եմ նվագելու, որ երգեն։ Ես էլ խոստացա նվագել սովորել, քանի որ վաղուց ուզում եմ սովորել։ Խոստացա սովորել, որ իրենց համար նվագեմ, նրանք էլ ծիծաղելով ասացին, որ էլ շվի չնվագեմ, դաշնամուր նվագեմ։ Այնուհետև «Տաթև Սահակյան և հինգ տարեկաններ» բենդը կատարեց « Արև, արև, ե՛կ, ե՛կ» ստեղծագործությունը։

Արահետ սավանի վրա

Որոշեցինք սպիտակ սավանի վրա արահետ նկարել։ Հինգ տարեկանները սիրուն ներկեցին, հետո ոտքի թաթերը ներկեցին ու կանգնեցին սավանի վրա։ Ահա և արահետ սավանի վրա…

 

Ջրային մրգաորս

Ռոդարիական չորեքշաբթի. հինգ տարեկանները խաղացին ռոդարիական խաղ։ Ջրով լի տարայի մեջ լցրեցինք մրգեր, ձեռքերը կապած կարողացանք բերանով որսալ, անցնել գունավոր փայտերի արահետը և դնել տարայի մեջ։ Իսկ վերջում ամենուրախ պահը. ամենաարագ ու քիչ դանդաղ խաղացողի վրա դույլով ջուր լցրեցինք։ Ուրախությու՜ն․․․

 

 

Հինգ տարեկանների հարսանեկան ծեսը

Վերջապես երկար սպասված հարսանեկան ծեսը․․․ Պատրաստեցինք հարսանեկան գաթան, հետո էլ գաթայով տարոսիկներ պատրաստեցինք, որ նվիրենք մայրիկներին։ Սիրուն զարդարեցինք մեր Արևելյան լողափը, զարդարվեցինք հարսանեկան արդուզարդով, ու հարսանիքն սկսված է․․․ Մի ուրախություն, մի զարմանք, մի մրգափունջ․․․ Հարսիկի մայրիկը նույնպես մասնակցում էր ծեսին։ Խաղացինք «աղջիկ փախցնոցի» խաղը, փեսացուն փախցրեց հարսանցուին, անցան շատրվանի տակով, կոտրեցին հարսանեկան ափսեները ու մտան լողավազան։ Իսկական հարսանեկան ծեսի իրականացում․․․

Վերջում չմոռանաք լսել հինգ տարեկանների հարսանեկան ռադիոն։

 

 

Հարսանեկան ծեսի նախապատրաստում

Ուրախ երկուշաբթի, հարսանեկան ծեսի նախապատրաստում․․․ մեր սիրելի կամավոր սասունիկցի Էմմայի հետ պատրաստեցինք հարսանեկան ձևավորման պարագաներ, քանի որ վաղը զարդարելու ենք մեր լողափը։ Հետո հինգ տարեկանները երկու հարսանեկան ափսե զարդարեցին, որ մեր հարսնացուն ու փեսան կոտրեն ոտքով, նոր մտնեն լողավազանը։ Վաղը պատրաստելու ենք հարսանեկան գաթան, տարոսիկները և հագուստները։ Ի՜նչ օր ենք ունենալու վաղը, ի՜նչ օր, բոլորին հրավիրում ենք Արևելյան դպրոց-պարտեզի բաց լողափ՝ ականատես լինելու մեր հինգ տարեկանների հարսանեկան ծեսին․․․

 

«Ծիրանածեսն» Արևելքում

Ուրախ օր սկսեցինք ծիրանաթափով, սկսում ենք «ծիրանածեսը», էնպես բաներ ենք անելու, էնպես բանե՜ր… սկսեցինք ծիրանի չիր պատրաստելուց։ Ծիրանները դրեցինք արևի տակ, որ մի լավ չորանա․․․ Հաջորդ օրն առավոտյան գնացինք  ծիրանահավաքի, հավաքեցինք լիքը-լիքը։ Վերադառնալուց հետո լվացինք ծիրանները, ու հինգ տարեկանները սկսեցին ճզմե՜լ։ Մի ուրախություն, ճը՜զմ… ճը՜զմ… ուրախացած ջեմ էին պատրաստում։ Ճզմեցին, ծիրանոտվեցին, գնացինք խոհանոց ու գազի վրա եփեցինք. ջեմը պատրաստ էր։ Տուն գնալուց էլ ոգևորված պատմում էին. «Գիտե՞ս, մամա, այսօր ճզմել ենք ծիրանը… ». իսկական իմացումի հրճվանք…

Հարսանեկան իրարանցում

25.06.18-29.06.18

Շաբաթվա երգեր՝ «Եղնիկ», «Պսակ-պսակ», «Զնգլիկ»։

Երկուշաբթի՝ հարսանեկան ծեսի նախապատրաստություն՝ տեխնոլոգիական աշխատանք․ պատրաստում ենք ծիսական-հարսանեկան հագուստներ, լողափի ձևավորման պարագաներ

Երեքշաբթի՝ ծիսական գաթաթխիկ խոհանոցում, տարոսիկների պատրստում․

Իսկական Ջրային հարսանիք լողավազանում

Չորեքշաբթի՝ բակային՝ այլընտրանքային ստվերանկարչություն, ջրային խաղեր

Հինգշաբթի՝ ավազանկարչություն, հոտի զգայարանի զարգացում

Ուրբաթ՝ Լողազգեստների լվացք

Նախաճաշ 10:15-10:30.

Ճաշ 12։30-13։00

Քնի ծես 13։00-15։00

Հետճաշիկ 15։30-16։00

Տուն ճանապարհել 16։30-17։00

 

Հանգիստ շվիի ելևէջների ներքո