Աղայան+Ռոդարի

Հավես զբոսանք բակում։ Սովորողները խմբասենյակից վերցրին օղակներ, գնդակ, փուչիկ և դուրս եկանք։ Խաղացինք ռոդարիական փուչիկա-օղակախաղ։ Փորձեցին փուչիկներն ու գնդակը ոտքերի արանքում քայլելով՝ հաղթահարել օղակներն ու պարանը։ Վերջում էլ միասնական կատարեցինք աղայանական ստեղծագործություններ և վերադարձանք խումբ։

Ռոդարիական երկուշաբթի

Երկուշաբթին 6 տարեկանները դարձրին ռոդարիական։ Գնդակները փորձեցին օդի ուժի միջոցով փչելով՝ մարզական գորգի վրա սահեցնել գնդակներն ու հասցնել ճիշտ նշանակետին։

Շոկոլադե ռոդարիկներ

Երեքշաբթին վեց տարեկանները դարձրին ռոդարիական։ Շոկոլադե սալիկները հալեցրինք, լցրեցինք սեղանի վրա։ Սովորողները հավեսով սկսեցին նկարել մատիկներով։ Փորձեցին շոկոլադի վրա գրել սար, լուսին, տուն, սուր, նուշ, շուն, լուսան… Նկարում ու ուտում էին, նկարում ու ուտում… Իսկական ռոդարիկներ… Վերջում էլ նույն հավեսով պատմեցին Ռոդարու «Շոկոլադե ճանապարհը» ստեղծագործությունը։

Մաթեմատիկ-ռոդարիկներ

Հավես երեքշաբթի։ Սեղանին ունեինք հյութի ձողիկներ և գունավոր թղթեր, որոնց վրա տարբեր թվեր էին գրված։ Թվերը խառնեցինք, սովորողները փորձեցին թվերը հերթականությամբ վերցնել ձողիկի օգնությամբ և դնել իրար կողքի։ Իսկական մաթեմատիկ-ռոդարիկներ…

 

 

Վերապատրաստվողների վերջին ու հավես օրը

Վերապատրաստվողների վերջին օրը խմբում։ Իհարկե, ցավով էին նշում, որ չեն գալու ու շատ կարոտելու են։ Հերմինեն խոստացավ դեկտեմբերյան վերապատրաստմանը կրկին գալ՝ իր հետ բերելով նաև հինգ տարեկան տղային։ Խաղերով լի հավես օր ունեցանք։ Սկզբում փայտե լեգոներով կառուցած աշտարակներ, որոնք պետք է ռոդարիական հնարքներով քանդեին։ Ապա անձեռոցիկի տուփ, որում կային շատ խցաններ։ Կապեցինք երկուսի մեջքին, թռվռալով կարողացան դատարկել տուփում եղած խցանները։

Մատիտներով արահետ

Մեր հավես մարզական գորգի վրա սաները մատիտներով երկար արահետներ կառուցեցին։ Բաժանվեցին խմբերի ու սկսեցին։ Փորձեցին փոքր գնդակն առանց ձեռքերի օգնության փչելու՝ անցնել մատիտների արահետը։

Կպչուն ժապավենով կապված

Այսօր կպչուն ժապավենով կապեցինք հինգ տարեկանների ոտքերը, որպեսզի փորձեն կապված ոտքերով քայլել։ Բաժանվել էին կարմիրների և կապույտների միջև։ Միմյանց օգնելով քայլեցին ու բաժակի ջուրը դատարկեցին դույլի մեջ։

Գունավոր շշաբոուլինգ

Հինգ տարեկաններն այսօր որոշեցին բոուլինգ խաղալ։ Պլաստմասե շշերի մեջ գունավոր ներկեր լցրեցին ու սկսեցին․․․

 

 

 

 

 

Ճիշտ նշանակետին

Ուսումնական շաբաթվա վերջում հինգ տարեկանները կրկին դարձան ջրային հրացանակիրներ։ Այս անգամ օգտագործեցինք պլաստմասե շիշը, կապեցինք գլխի վրա և ճիշտ նշանակետին․․․

Փրփրապղպջակներ

Շա՜տ ուրախ չորեքշաբթի․․․ Հինգ տարեկաններն ամեն մեկը տանից բերել էր պլաստմասե շիշ և գուլպա։ Շիշը կտրեցինք, գուլպան ամրացրինք շշին, հեղուկով փրփրուր սարքեցին, ու փրփրապղպջակնե՜ր․․․․ ուրախությու՜ն․․․ Հետո հինգ տարեկանները դարձան ջրային հեծանվորդներ, մի քիչ լողացին, դուրս եկան՝ չորանալու, քանի որ գործ ունեինք անելու։ Չորանալուց հետո սկսեցինք մեր լվացքը, լվացինք և՛ լողազգեստները, և՛ գուլպաները ու փռեցինք՝ չորանալու։ Ճաշեցին ու վազեցինք քնելու։ Արթնանալուց հետո որոշեցինք հովանալ, Ավետը, Դանիելը և Կարենը գնացին խանութ, պաղպաղակ խնդրեցին, գումարը տվեցին և ուրախ-ուրախ դուրս եկան։ Ուռա՜, պաղպաղակ ենք ուտելու․․․