Շրջակայի խնամք

Այսօր սովորողների հետ որոշեցինք բակ դուրս գալ՝ վերցնելով աղբի տոպրակներ և ձեռնոցներ։ Շրջեցինք տարածքով մեկ, մի լավ մաքրեցինք տարածքը աղբից։ Հետո տիար Բլեյանին հանդիպեցինք, ում հետ էլ մի լավ նկարվեցինք սիրուն ու կանաչ լանջերին, ապա շարունակեցինք շրջակա միջավայրի խնամքը…

Շրջակայի մաքրություն

Ուսումնական այս ուրբաթն էլ հինգ տարեկաններն ավարտեցին՝ մաքրելով շրջական…

 

Ջրում ենք մեր լանջերը

Մեծ ոգևորությամբ հինգ տարեկանները սկսեցին ջրել արևելյան լանջերը, հետո էլ վազեցին դեպի լողավազան․․․

Մաքրասեր-աշխատասերները

Երկուշաբթին հինգ տարեկանները սկսեցին մաքրությամբ։ Այսօր անձրևը մեզ խանգարեց, բայց չտխրեցինք․ հագանք ձեռնոցները ու սկսեցինք մաքրել մեր շրջական, հետո էլ ջրեցինք դպրոցի ծաղիկները։ Ահա և մաքրասեր-աշխատասերները․․․

 

Մաքրություն

Ուրբաթը դարձրինք մաքրության օր ու սկսեցինք լվանալ ապակիները։ Մի մասը դույլերով ջուր էր լցնում, մյուս մասն էլ սպունգներով մաքրում էր։ Հետո էլ այգեպանին տեսնելով՝ վազեցին ու սկսեցին հարցուփորձ անել, թե ինչի համար է հնձել խոտը…

 

Հինգ տարեկանների հարսանեկան ծեսը

Վերջապես երկար սպասված հարսանեկան ծեսը․․․ Պատրաստեցինք հարսանեկան գաթան, հետո էլ գաթայով տարոսիկներ պատրաստեցինք, որ նվիրենք մայրիկներին։ Սիրուն զարդարեցինք մեր Արևելյան լողափը, զարդարվեցինք հարսանեկան արդուզարդով, ու հարսանիքն սկսված է․․․ Մի ուրախություն, մի զարմանք, մի մրգափունջ․․․ Հարսիկի մայրիկը նույնպես մասնակցում էր ծեսին։ Խաղացինք «աղջիկ փախցնոցի» խաղը, փեսացուն փախցրեց հարսանցուին, անցան շատրվանի տակով, կոտրեցին հարսանեկան ափսեները ու մտան լողավազան։ Իսկական հարսանեկան ծեսի իրականացում․․․

Վերջում չմոռանաք լսել հինգ տարեկանների հարսանեկան ռադիոն։

 

 

Հարսանեկան ծեսի նախապատրաստում

Ուրախ երկուշաբթի, հարսանեկան ծեսի նախապատրաստում․․․ մեր սիրելի կամավոր սասունիկցի Էմմայի հետ պատրաստեցինք հարսանեկան ձևավորման պարագաներ, քանի որ վաղը զարդարելու ենք մեր լողափը։ Հետո հինգ տարեկանները երկու հարսանեկան ափսե զարդարեցին, որ մեր հարսնացուն ու փեսան կոտրեն ոտքով, նոր մտնեն լողավազանը։ Վաղը պատրաստելու ենք հարսանեկան գաթան, տարոսիկները և հագուստները։ Ի՜նչ օր ենք ունենալու վաղը, ի՜նչ օր, բոլորին հրավիրում ենք Արևելյան դպրոց-պարտեզի բաց լողափ՝ ականատես լինելու մեր հինգ տարեկանների հարսանեկան ծեսին․․․

 

Ամառային բաց լողափ

Արևելյան դպրոց-պարտեզի հինգ տարեկանները որոշեցին գովազդել իրենց առօրյան, իրենց ամառային բաց լողափը․․․

Շրջակայի մաքրություն

Մասնակցեցինք առավոտյան ընդհանուր պարապմունքին, քիչ-քիչ սովորում ենք պարել մեր կրթահամալիրի ծիսական պարերը։ Նախաճաշելուց հետո հագանք ձեռնոցները, վերցրինք աղբի տոպրակները և սկսեցինք մաքրել մեր շրջական։ Վերադարձանք և վեց տարեկանների հետ մասնակցեցինք «Հունիսիկ» ստուգատեսին։

 

Ծիրանաջեմ, ճը՜զմ… ճը՜զմ…

Առավոտյան գնացել էինք ծիրանահավաքի, հավաքեցինք լիքը-լիքը։ Վերադառնալուց հետո լվացինք ծիրանները, ու հինգ տարեկանները սկսեցին ճզմե՜լ։ Մի ուրախություն, ճը՜զմ… ճը՜զմ… ուրախացած ջեմ էին պատրաստում։ Ճզմեցին, ծիրանոտվեցին, գնացինք խոհանոց ու գազի վրա եփեցինք. ջեմը պատրաստ էր։ Տուն գնալուց էլ ոգևորված պատմում էին. «Գիտե՞ս, մամա, այսօր ճզմել ենք ծիրանը… ». իսկական իմացումի հրճվանք…