Այսօր 5-6 տարեկանների լողի ստուգատեսի օրն էր։ Քայլքով շարժվեցինք դեպի Արևմտյան դպրոց-պարտեզ։ Սովորողներն ինքնուրույն զգեստափոխվեցին, հագուստները հանեցին, ծալեցին, դրեցին արկղիկի մեջ, կոշիկները դասավորեցին պահարանի տակ։ Հագան լողազգեստները, լողաթափերը, ռետինե գլխարկները, ցնցուղ ընդունեցին ու վազեցին դեպի լողավազան։ Սկսեցին կատարել մկանները տաքացնող նախավարժանքներ, որից հետո նոր մտան ջուրը։ Ջրում կատարեցին ոտքերով վարժանքներ, ապա կրծքավանդակի վրա սկսեցին լողալ, հետո մեջքի վրա։ Շատ համարձակ ու ինքնավստահ լողորդներ…
Հերթական ստուգատեսային մայիսյան հինգշաբթին։ Հագանք դեղին շապիկներն ու դուրս եկանք արևելյան լանջեր։ Մեզ միացան Քոլեջի ու Արևմուտքի 5-6 տարեկանները։ Միասին սկսեցինք խաղերգերը՝ օգտագործելով ինքնաշեն շրխկանները։ Գունավոր ու հավես ստուգատեսային օր…
Հերթական ստուգատեսային օր։ Այս անգամ ստուգատեսի թեման մեդիագարունն էր։ Սովորողները
Ստուգատեսային հավես օր։ Սովորողների մի մեծ խումբ դպրոց մտավ իր անձնական ինքնագլորով։ Նախաճաշից հետո վերցրինք բուլավաներն ու դուրս եկանք բակ։ Մի ոգևորություն, մի հպարտություն, չէ՞ որ իրենց իսկ ինքնագլորները պետք է վարեին։ Բուլավաները սիրուն դասավորեցին տարբեր կողմերով ու սկսեցին։ Կարողացան հավասարակշռությունը պահպանելով՝ արագ կողմնորոշվել, 10-20 մ հեռավորությամբ ճանապարհն անցնել առանց կանգառի՝ հաղթահարելով բուլավաներն ու կատարելով շրջադարձ։
Ապրիլյան ստուգատեսային հինգշաբթի։ Զատկի տոնի հետ կապված սովորողները կատարեցին տեխնոլոգիական ախատանք՝ պատրաստելով թղթե զատիկներ։ Վերցրին սև և կարմիր թղթեր, սոսնձեցին թղթե հաստ գլանակներին, հետո թևիկներ ավելացրին, սոսնձեցին աչուկները, պոզիկներն ու բերանը՝ ստեղծելով սիրուն ու պուտավոր զատիկներ։ Այս ստուգատեսի միջոցով նախ զարգացավ սովորողի կարողությունն ու երևակայությունը, ապա սովորողը մեկ անգամ ևս սովորեց, որ թուղթը աղբ չէ, թափոնից էլ կարող է նոր առարկա ստեղծել…
Վեց տարեկանները մարտյան վերջին ստուգատեսն իրականցրին ընտանիքներում՝ պատրաստելով հետաքրքիր ու բազմապիսի շրխկաններ, որի ժամանակ նաև մասնակից դարձրին ծնողներին։ Շրխկաններ պատրաստելիս սովորողներն օգտագործեցին պլաստմասե շշեր, կպչուն ժապավեն, սոսինձ, ընկույզ, բրինձ, մակարոն, կոնֆետներ, պլաստմասե ձվիկներ, գունավոր մատիտներ, տարբեր ժապավեններ, կոճակներ… Իսկ արդեն պատրաստի շրխկանով փորձեցին իրենց սիրելի երգերից որևէ երաժշտական փոքրիկ ներկայացում բեմադրել։ Արդյունքում ունեցանք սովորողի և ծնողի խմբային գործունեություն, տեխնիկական երևակայության զարգացում և երաժշտական ռիթմիկայի լսողության զարգացում։
Հավես ճամփորդական-ստուգատեսային օր։ Առավոտյան նախաճաշեցինք, հագանք մեր գունեղ դեղին շապիկները, քայլքով դեպի Մայր դպրոցի երթուղիներ։ Ուրախ տրամադրությամբ, երգով, պարով հասանք Թումոյի այգի։ Արև, կանաչ, թարմություն… Սկսեցինք աղայանական ընթերցումներով, ապա շարունակեցինք ազգային խաղերով։ Մի լավ հրճվանք ապրեցինք, խոտերին սիրուն-սիրուն պառկեցինք, նկարվեցինք, կերանք փոքրիկ բրդուճները։ Վերջում կատարեցինք շրջակա միջավայրի խնամք։ Սովորողները մեծ ոգևորությամբ հագան ձեռնոցներն ու սկսեցին մաքրել տարածքը։ Շատ հավես, ուրախ ու գարնանային օր։ Վերջում չմոռանաք լսել վեց տարեկանների ռադիոպատումը։
Հերթական ստուգատեսյան հինգշաբթի։ Հավես արևային օր, հեծանիվներն ու կանգնակները վերցրինք ու սկսեցինք։ Սովորողները մեծ ոգևորությամբ սկսեցին հեծանվավարությունը՝ մեկը մյուսի ետևից հաղթահարելով կանգնակները։ Արդեն հմուտ հեծանվորդներ։
Հինգ-վեց տարեկանների բլոգ 