Ահա, երկուշաբթի, տաք առավոտ։ Սեբաստացիական քայլերթն սկսեցինք 9։00-ին Ծովակալ Իսակովից դեպի Լենինգրադյան փողոց տանող կամրջի վրայով՝ Արարատյան զանգվածին կից տներով ու այգիներով։ Արեցինք մեր «քայլը»: Իհարկե, տիար Բլեյանը, ամեն ծակուծուկին ծանոթ լինելով, պատմեց, թե որ մասում ինչն է գտնվում։ Ժամուկես տևած քայլերթն ավարտվեց սուրբ Երրորդություն եկեղեցու մոտ, որտեղից ճանապարհս շարունակեցի դեպի Արևելյան դպրոց-պարտեզ։ Ո՞նց կարող էի չգնալ, չանցնել Արևելյան լանջերով, չնկարվել լանջերին նստած։ Վերջապես, չէ՞ որ մի սիրուն դաշտ է մեզ սպասում, որը պետք է ֆուտբոլի դաշտ դառնա, չափչփեցի մետրով, լուսանկարներ արեցի, վերադարձա տուն՝ փորձելով վերջնական եզրահանգման գալ։
Սկսում ենք Արևելքի «Նոր խաղադաշտ» նախագիծը հինգ տարեկանների հետ։ Այսօր սկսեցինք առաջին հողագործական աշխատանքները։ Վերցրինք այգեգործական գործիքները ու գնացինք։ Ամեն մեկը վերցրեց մի գործիք, ու սկսեցինք։ Մեկը փորում էր, մեկը՝ հավաքում, մյուսը՝ փոցխում, էն մյուսը խոտերն էր կտրում, մի իսկական պարտիզապուրակային, սեբաստացիական աշխատանք։ Մեծ ոգևորություն էր սովորողների մոտ, քանի որ մշակում ենք մեր խաղադաշտը, նոր, մշակված ու ավելի սիրուն խաղադաշտ ենք ունենալու, որ կարողանանք նաև ֆուտբոլ խաղալ։ Այսօր մի լավ աշխատեցինք, ու ամեն օր խնամելու ենք, մաքրենք չոր ճյուղերը, քարերը պետք է հեռացնենք, ինչում մեզ կօգնի Կարո պապիկը։ Այսօրվա մեր աշխատանքը կարող եք տեսնել տեսանյութում։
Հինգ տարեկաններին ծանոթացրինք հայկական դաշտային ծաղիկների անուններին, որ իմանան, թե ինչ անունով ծաղիկներ կան իրենց դպրոց-պարտեզում։
Այսօր սկսեցինք Արևելքի «Կանաչ պատ» նախագծի իրականացումը։ Տիկին Շողիկը մեզ նվիրեց հրաշալի ծաղիկներից մեկը՝ պասիֆլորան, որը կապեցինք թելերով պատի վերևի մասից,որպեսզի աճի դեպի վերև ու տարածվի ամբողջ պատով։ Ծնողները երեխաների հետ փոր արեցին, ցանեցին իպոմեա ծաղկի սերմերը, ջրեցին, հետո փոքր փոսիկներ արեցին ու տնկեցին իպոմեայի՝ արդեն աճած թաղարները։ Ունեինք սև և սպիտակ սերմեր. տեսնենք՝ որ սերմը ավելի լավ կաճի։ Ամեն օր կջրենք, որպեսզի շուտ աճեն ու ունենանք սիրուն «կանաչ պատ»։ 
Ապրիլի 23-ին սեբաստացի մի խումբ ծնողներ իրենց երեխաների հետ դուրս եկան և կատարեցին իրենց «քայլը» Երևանով: Այն կազմակերպել էր մեր շատ սիրելի ծնող Հռիփսիմե Քոչարյանը, ով կարողացավ համախմբել մյուս մայրիկներին և դուրս գալ երթի։
Ապրիլի 16-19-ը «Մխիթար Սեբաստացի» կրթահամալիրում կայացավ նախադպրոցական հաստատություններում աշխատող դաստիարակների վերապատրաստման հերթական փուլը։ Հայաստանի մի շարք մարզերից մի շարք վերապատրաստվողներ։ 
Ուսշաբաթն ավարտեցինք մարզական խաղով, գնդակը կարողացանք ոտիկներով փոխանցել ընկերոջը։ Իսկ օրվա ավարտին երկրորդ դասարանի սովորողները մեզ հյուր եկան ու մեր փոքրերին սովորեցրին Հովհաննես Թումանյանի «Էս էն է» ստեղծագործությունը, իսկական սովորող-սովորեցնող…
Հինգ-վեց տարեկանների բլոգ 