«Ա՜խ, ի՜նչ լավ են սարի վրա…»

36517372_481292718988277_2845720290946711552_oԿիրակի, շոգ առավոտ, շարժվեցինք դեպի Արագած։ Մտածում էի՝ արդյո՞ք կհասնենք գագաթ: Քայլեցինք, քայլեցինք, անվերջ քայլեցինք… ձյուն… քարեր… ծաղիկներ… իսկական քարերի երկիր է Հայաստանը։ Նայում ու մտածում ես՝ որտեղից այսքան քար, այսքան գեղեցկություն… չորս ժամ քայլելուց հետո Արագածի գագաթը… անասելի գեղեցկություն… Ճանապարհին առիթը բաց չթողեցի, շվիովս նվագեցի, իսկական «Ա՜խ, ի՜նչ լավ են սարի վրա»… համով հաց կերանք, պառկեցինք, երգեցինք, հանգստացանք ու սկսեցինք ետ իջնել։ Մոտ երկուսուկես ժամ տևած քայլքից հետո արդեն երթուղայինի մոտ էինք՝ հոգնած ու շոգած․․․ Ետդարձին կանգառ արեցինք մեր ամառանոցը Բյուրականի, մի քիչ հանգստացանք ու զովացած վերադարձանք Երևան:

 

 

Реклама

Կենդանաբանական այգի

35360499_465066910610858_830057766310641664_nԱռավոտյան սաներով ու իրենց ծնողներով մասնակցեցինք առավոտյան պարապմունքին, երգեցինք, պարեցինք ու դեպի Կենդանաբանական այգի։

Ուսումնական ճամփորդություն

Վայրը ՝Երևանի Կենդանաբանական այգի
Մասնակիցներ՝ Արևելյան դպրոցի 2-4 և  5 տարեկաններ
Օրը՝ 14.06.2018

Ժամը՝ 09.30-12.30

Կազմակերպիչներ՝ Արևելյան դպրոցի դաստիարակներ

Այլ մասնակիցներ՝ ծնողներ, հյուրեր

Նպատակը և խնդիրները

  • Ուսումնական, ճանաչողական
  •  Ծանոթանալ Երևանի Կենդանաբանական այգու բնակիչներին:
  • Բացօթյա պլեներ՝ «Կենդանաբանական այգում»
  • «Հակաբացիլ Կոմիտաս» նախագծի երգերի կատարում, ուսուցանում, տարածում:
  • Կրթահամալիրի տեղեկատվական թերթիկների տարածում:
  • Շրջակա միջավայրի ուսումնասիրում, միջավայրի խնամք, ճամփորդությամբ ուսուցում:

Անհրաժեշտ իրեր

  • Ուսապարկ
  • Բրդուճներ, ջուր
  • Թաց և չոր անձեռոցիկներ
  • Ներկեր
  • Արևապաշտպան գլխարկ
  • Բուժական արկղիկ
  • Աղբի տոպրակ, մեկանգամյա օգտագործման ձեռնոցներ
  • Մեդիագործիքներ – հեռախոս, պլանշետ, ֆոտոխցիկ, ձայնագրիչ

Նախագծի իրականացման նկարագրությունը

  • Տեղեկություններ ճանապարհի մասին՝ տևողությունը, կանգառները, փողոցները. ուղիղ եթերներ
  • «Բլբլան» ռադիո
  • Նկարչական պլեների և պլանշետներով ֆոտոպլեների կազմակերպում
  • Երգ ու պարի ֆլեշմոբ

Ակնկալվող արդյունքները
Ճամփորդության ավարտից հետո սաները պատմում են իրենց տեսածի, լսածի մասին: Հավաքած տեղեկությունները թվայնացնում ենք, տեղադրում բլոգում, ենթակայքում, սոցցանցերում:

 

«Ջանգյուլումը» Սասունիկում

33103041_453605625090320_6147970355345489920_nՀերթական կրթական փոխանակումը Սասունիկի՝ «Արմինե Կարապետի» անվան մանկապարտեզում։ Ամպամած եղանակը չխանգարեց՝ ուրախ տրամադրությամբ հասնելու Սասունիկ։ Ունեցանք ջերմ ընդունելություն, ծանոթացանք սաների հետ։ Առաջինը մեր սիրելի ռոդարիական-մարզական խաղերն էին, է՛լ խաղացինք օղակներով արահետը, է՛լ ոտիկներով գնդակախաղը, է՛լ լվացք արեցինք, է՛լ, է՛լ․․․ Հրաշալի բակ ունեին՝ հրաշալի կանաչով ու ծաղիկներով։ Ծաղկահավաք արեցինք, իհարկե, տիկին Մարինեի օգնությամբ՝ ներկայացնելով, թե ինչպես է պետք ծաղիկը քաղել, որ չփչանա, նաև դրանից հետագայում դեղաբույս պատրաստելու համար։ Պատրաստեցինք ծաղկե ճակտնոցները և ճամփա ընկանք։ Մտանք գյուղապետարան, գովեցինք գյուղապետին, հետո մշակույթի տուն, դպրոց, սասունիկցիների տներ, գովեցինք-գովեցինք, ստացանք նվերներ, զարմացրինք մեր սեբաստացիական այլընտրանքայնությամբ․․․ Չմոռանամ նշել՝ երբ շվի էինք նվագում, ավարտելուց հետո պտտվեցինք, տեսնենք՝ սաների մի ամբողջ խումբ զարմացած մեզ է հետևում, բարձր ծափահարություններ․․․ Խաղացինք Վիճակը, տեսանք, թե ում ինչ բարեմաղթանք է բաժին հասնում, ի վերջո, հաջողություն մաղթեցինք ու ճանապարհ ընկանք դեպի Մուղնու սուրբ Գևորգ եկեղեցի՝ իր հրաշք բնությամբ։ Ամփոփելով այսօրը՝ վերադարձանք՝ կրկին հանդիպելու ակնկալիքնով։ Ուրախալի է, երբ կարողանում ես մեկ այլ մանկապարտեզի փոխանցել դպրոց-պարտեզի այլընտանքային մոտեցումները, ծեսերի ճանաչողությունը, այն ամենը, ինչն ազգային է և անփոխարինելի:

 

 

 

 

 

 

 

 

 

Արագածի լանջերին

29665848_431723063945243_974611062_nԱռավոտյան արթնացա, մտածեցի. «Վա՜խ, վա՜խ, ի՜նչ լավ եղանակ, արև՜, բա ասում էին՝ անձրև, քամի…»: Պետք է շարժվեինք Սուրբ Երրորդություն եկեղեցու առջևից։ Լավ տրամադրություն, ձմեռային հանդերձանք։ Շարժվեցինք, ճանապարհն անցնում էր Բյուրական գյուղի միջով, որը ծնողներիս ծննդավայրն է։ Որոշեցինք եղանակի՝ դեպի ամպրոպ-անձրևը փոխվելու դեպքում հյուր գնալ պապիկենց տուն։ Գնում ու գնում ենք․․․ հեռվում՝ սև ամպեր, մառախուղ, ձյան կտորներ․․․ Մեքենան կանգնեց, քանի որ ամբողջ ճանապարհն արդեն ձյունով էր ծածկված։ Սկսեցինք մեր քայլքը, ահագին ճանապարհ անցանք, էնպիսի ձնծաղիկներ, որ նայում ու հիանում ես, անիրական ձնծաղիկներ, իսկական ձնծաղիկներ․․․ Սկսվեց… ձյուն, ամպրոպ, կարկուտ, արդեն ետ ենք իջնում, հանկարծ դասվարներից Տաթև Թամազյանն ընկավ՝ ոլորելով ոտքը։ Բոլորիս մոտ՝ վախ, իսկ միևնույն ժամանակ՝ միասնականություն։ Միասին գրկեցինք նրան, մի կերպ, մի կերպ քայլում էինք, մեքենան էլ թարսի պես էնքան հեռու էր թվում։ Ուժեղ կայծակ, ուժեղ կարկուտ, կարծես ասեղներով հարվածներ գային դեմքիդ, երբ վերջապես երևաց մեքենան: Շատ զգուշությամբ նստեցրինք մեքենան ու շարժվեցինք։ Ճանապարհին մի ուրախություն, մի զրույց, մի ճաշկերույթ, տիար Գևորգը, իրեն հատուկ հումորներով, իհարկե, ողջ ճանապարհին կարողացավ փոխել բոլորիս տրամադրությունը, թվում էր՝ ոչինչ էլ չի եղել, բոլորիս մոտ հանգստություն կար: Մենք մտածում էինք՝ երևի ուղղակի ցավացել է ոտքը։ Հասանք բժշկական կենտրոն, արդյունքում՝ կոտրվածք։ Վերադարձա տուն, բայց անընդհատ մտքով Տաթևի հետ եմ, յուրաքանչյուրս կարող էինք նրա փոխարեն լինել, ուզում եմ շուտ առողջանա ու շուտ վերադառնա կրթահամալիր իմ սիրելի ուսուցչուհին։

Գյումրու «Արձագանքի» արձագանքը

29261501_1695894543823372_5149784676893720576_n«Ուսումնական Գյումրի» նախագծով այց Գյումրու «Արձագանք» մանկապարտեզ։ 8։00-ին շարժվեցինք Սուրբ Երրորդություն եկեղեցու դիմացից։ Առջևում 2 ժամ տանող երկար ճանապարհն էր, որը պարզապես թեթև ու լավ անցավ՝ տիար Բլեյանի՝ ամեն քար ու թփի մասին հետաքրքիր պատմությունները բացահայտելով և պատմելով։ Читать далее «Գյումրու «Արձագանքի» արձագանքը»