Հինգ տարեկանների հարսանեկան ծեսը

36289739_475496632901219_8638423316777926656_nՎերջապես երկար սպասված հարսանեկան ծեսը․․․ Պատրաստեցինք հարսանեկան գաթան, հետո էլ գաթայով տարոսիկներ պատրաստեցինք, որ նվիրենք մայրիկներին։ Սիրուն զարդարեցինք մեր Արևելյան լողափը, զարդարվեցինք հարսանեկան արդուզարդով, ու հարսանիքն սկսված է․․․ Մի ուրախություն, մի զարմանք, մի մրգափունջ․․․ Հարսիկի մայրիկը նույնպես մասնակցում էր ծեսին։ Խաղացինք «աղջիկ փախցնոցի» խաղը, փեսացուն փախցրեց հարսանցուին, անցան շատրվանի տակով, կոտրեցին հարսանեկան ափսեները ու մտան լողավազան։ Իսկական հարսանեկան ծեսի իրականացում․․․

Վերջում չմոռանաք լսել հինգ տարեկանների հարսանեկան ռադիոն։

36233523_475496732901209_8956516703617941504_n

Реклама

Հավես ուրբաթ

33580957_455357731581776_4888745266246582272_nՄայիսյան վերջին ուրբաթը շատ հագեցած էր։ «Անտիվիրուս Կոմիտաս»-յան երգեր երգելով՝ դուրս եկանք բակ, մեր սիրուն լանջերին ռոդարիական խաղ խաղացինք, հինգ տարեկանները կարողացան բաժակի ջուրը առանց պպտվելու փոխանցել ետևի նստածին։ Իսկական ռոդարիկներ։ Խումբ վերադառնալուց հետո նախաճաշեցինք։ Սաները հաստ թղթի վրա թուղթ սոսնձեցին, հետո ամեն մեկը տարբեր գույների թղթեր սոսնձեց, և, ահա, ինքնաշեն թղթե արահետը պատրաստ է։ Փոքրիկ գնդակով սկսեցին խաղալ, հետո էլ շարունակեցինք վերապատրաստվողների հետ ստեղծած ինքնաշեն բաժակներով խաղալիքի խաղը։

 

 

 

Մեր շատ սպասված նվեր սեղանները

32215151_449507488833467_3183538023035830272_nԱհա և մեր անակնկալը։ Այսօր ունեցանք տիար Բլեյանի կողմից ուղարկված նվերներ՝ ամենա-ամենասիրուն նարնջագույն սեղանները։ Հենց առաջին իսկ վայրկյանից սկսեցինք օգտագործել։ Մի քիչ ալյուրով խաղացինք, նկարեցինք մատիկներով, հետո սկսեցինք։ Ալյուրին ավելացրինք ջուր, ձեթ, աղ և շաքարավազ, լավ խառնեցինք, գույն ավելացրինք ու ստացանք վարդագույն խմոր։ Հինգ տարեկաններն ամեն մեկն իր ուզած պատկերը ստեղծեց՝ արև, ծաղիկ, որդ, օձ, պիցցա, խնձոր, գնացք․․․

Շնորհակալություն․․․